UA MegaBox

星期六訂咗飛去UA Megabox 睇戲,星期五上網訂
票都唔見有人訂,可能唔係好多人知UA開咗喇. 而家做緊promote, 所有時段都係$45.
本來諗住去到Megabox先食lunch, 但係去到德福想搭Shuttle bus時... 只見到龍頭.... 龍尾唔知去o左邊... 最後決定係德福食完飯先行路過去
外面睇MegaBox 真係好大, 但係入到去就覺得好有壓迫感, 可能D鋪圍版未掛罷, 又可能真係太多人了. Spotlight 都幾多野賣, 不過唔o岩買...感覺上quality麻麻地, 價錢又算唔平
B&Q都好大, 啱晒鍾意DIY, 但係又唔知邊度買材料既人, 工具同材料都好齊, 但係平唔平我就唔知喇.
UA 應都係開咗幾日, IMAX 仲裝修緊, UA兩個院, 都十分細, 我睇既1院得七行,坐到最後都係覺得好近下, 櫈都算舒服既, 反而最鍾意都係佢個Toliet, 個VIEW都幾開揚. 到走既時候都係行路返九龍灣, 實在太多人等車, 大家想去的話都係等佢8月先再去喇.